"Аталанта" форварди Адемола Лукман фаолиятини Англия Премьер-лигасининг топ-клубида давом эттириши мумкин. Бу ҳақда инсайдер Флориан Плеттенберг ижтимоий тармоқлар орқали маълум қилди.

Манбага кўра, 27 ёшли нигериялик футболчини Лондоннинг "Арсенал" клуби ўз сафига қўшиб олмоқчи. "Канонирлар" футболчини ёзги трансферлар даврида ўз сафига қўшиб олишга уриниб кўради.

Аввалроқ матбуотда Лукманнинг хизматларига Каталониянинг "Барселона" клуби ҳам қизиқиш билдираётгани ҳақида хабарлар тарқалган эди.

Адемола жорий мавсум 37 та ўйинда иштирок этиб, 18 та гол ва 7 та голли узатмани ўз ҳисобига ёздириб қўйди.