"Манчестер Сити" устози Хосеп Гвардиола бельгиялик ярим ҳимоячи Кевин де Брюйненинг Премьер-лига 35-туридан ўрин олган "Вулверхэмптон"га қарши ўйиндаги ғалаба голига изоҳ берди.
"Шаҳарликлар" ўз майдонида 1:0 ҳисобида ғалаба қозонди.
"Кевин яна бир муҳим голни урди. Мен унга фақат яхшилик тилайман. Жамоа йиллар давомида усиз бундай натижаларга эриша олмасди. Де Брюйне ақл бовар қилмайдиган футболчи," - дея испаниялик мураббийнинг сўзларини келтиради Sky Sports.
Гвардиола шогирдлари қаторасига бешинчи ўйинда ғалаба қозониб, Премьер-лига турнир жадвалида учинчи ўринни эгаллаб турибди. "Манчестер Сити" ҳисобида 64 очко бор.
