"Париж" Лига 1да 70-100 миллион евро бюджет олади.
Франция пойтахти жамоаси аввалроқ элита дивизионига чиқишни кафолатлаган эди.
L'Equipe нашрининг хабар беришича, жамоанинг келаси мавсумдаги бюджети 70-100 миллион еврони ташкил этади.
Лига 2'да жамоанинг операцион харажатлари учун 30 миллион евро сарфланганди. Лига 1да бу сумма камида икки баробарга ошиши кутилмоқда.
Мавсум ўрталарида клубни миллиардер Бернар Арно ва "Ред Булл" оиласи сотиб олганди.
Қайд этилишича, "Париж" яна Лига 1да ўйнаган 6-8 нафар футболчини ўз сафига қўшиб олмоқчи.













