Туриннинг "Ювентус" клуби ҳимоячиси Андреа Камбьясо Италия чемпионатини Англия Премьер-лигасига ўзгартириши мумкин, деб хабар беради Football Insider.
25 ёшли чап қанот ҳимоячиси хизматига "Манчестер Сити" қизиқиш билдирмоқда. "Шаҳарликлар" устози Хосеп Гвардиоланинг фикрича, италиялик футболчи унинг ўйин услубига жуда мос тушади. Камбьясонинг трансфери учун инглиз клуби 60 миллион евро тўлашга тайёр.
Ҳимоячи Италия А Сериясининг жорий мавсумида "кекса синьора" сафида 30 та ўйин ўтказди. Андреа иккита гол урди ва битта голли узатмани амалга оширди. Камбьясо ва "Ювентус" ўртасидаги амалдаги меҳнат шартномаси 2029 йилнинг ярмигача мўлжалланган.
