"ПСЖ" Франция чемпионатининг 32-турида "Страсбург" меҳмони бўлиб, 1:2 ҳисобида имкониятни бой берди.
Парижликлар сафида россиялик дарвозабон Матвей Сафонов асосий таркибда майдонга тушиб, 2 та гол ўтказиб юборди. Учрашувнинг 20-дақиқасида "ПСЖ" ҳимоячиси Люка Эрнандес ўз дарвозасини ишғол қилган бўлса, 45-дақиқада "Страсбург" ярим ҳимоячиси Феликс Лемарешаль ўз ҳисобига гол ёздириб қўйди.
Меҳмонларнинг ягона жавоб голи 46-дақиқада Брэдли Барколя томонидан киритилди.
"ПСЖ" 78 очко билан Лига 1 турнир жадвалида биринчи ўринда бормоқда, жамоа 4 тур олдин чемпионликни қўлга киритганди.
"Страсбург" ушбу ғалаба эвазига очколарини 57 тага етказиб олган ҳолда тўртинчи ўринга кўтарилиб олди.
