"PSJ" Fransiya chempionatining 32-turida "Strasburg" mehmoni bo‘lib, 1:2 hisobida imkoniyatni boy berdi.

Parijliklar safida rossiyalik darvozabon Matvey Safonov asosiy tarkibda maydonga tushib, 2 ta gol o‘tkazib yubordi. Uchrashuvning 20-daqiqasida "PSJ" himoyachisi Lyuka Ernandes o‘z darvozasini ishg‘ol qilgan bo‘lsa, 45-daqiqada "Strasburg" yarim himoyachisi Feliks Lemareshal o‘z hisobiga gol yozdirib qo‘ydi.

Mehmonlarning yagona javob goli 46-daqiqada Bredli Barkolya tomonidan kiritildi.

"PSJ" 78 ochko bilan Liga 1 turnir jadvalida birinchi o‘rinda bormoqda, jamoa 4 tur oldin chempionlikni qo‘lga kiritgandi.

"Strasburg" ushbu g‘alaba evaziga ochkolarini 57 taga yetkazib olgan holda to‘rtinchi o‘ringa ko‘tarilib oldi.