Италия чемпионатининг 35-турида "Интер" ўз майдонида "Верона" устидан ғалаба қозонди - 1:0.
Ўйиндаги ягона гол муаллифи Кристиан Аслани бўлиб, у 9-дақиқада пенальтидан гол урди.
"Интер" очколарини 74тага етказиб, А Серияда 2-ўринни сақлаб турибди. Жамоанинг чемпионат якунланишига 3 тур қолганида пешқадам "Наполи"дан ортда қолиши 3 очкони ташкил этмоқда. "Верона" 32 очко билан турнир жадвалида 15-ўринни эгаллаб турибди.
Италия А Сериясининг навбатдаги ўйинини миланликлар 11 май куни "Торино"га қарши ўтказади. "Верона" шу куни "Лечче"га қарши майдонга тушади.
