Норвегиялик мутахассис Уле Гуннар Сульшер собиқ клуби - "Манчестер Юнайтед" нега шотландиялик яримҳимоячи Скотт Мактоминай билан хайрлашганини тушунмаяпти.
"Мактоминай ва Фред "МЮ" ўйинларида максимал даражада ҳаракат қилган футболчилар эди. "Қизил иблислар" нега Скотт билан хайрлашганини ҳалигача тушунмаяпман," - дея скандинавияликнинг сўзларини келтиради BBC.
Эслатиб ўтамиз, 28 ёшли ярим ҳимоячи 2024 йилнинг ёзги трансфер ойнасида "Манчестер Юнайтед"ни Италиянинг "Наполи" клубига алмаштирган эди. Унинг трансфери учун неаполликлар манкунианликларга 30 миллион евро тўлаган.
