"Ливерпул"нинг собиқ ҳимоячиси Жейми Каррагернинг фикрича, "Ньюкасл" келаси мавсумда Премьер-лига чемпионлиги учун курашда "чақилмас ёнғоқ" бўлиши мумкин.
Каррагер келаси мавсумда "Ливерпул"нинг асосий рақиблари "Манчестер Сити" ва "Арсенал" бўлишини кутмоқда.
"Менимча, "Манчестер Сити" ва "Арсенал" "Ливерпуль" билан рақобатлашади. "Манчестер Сити" трансфер бозорига қайтади ва "Арсенал" ҳам худди шундай қилади.
Қолган жамоаларга келсак, "Ньюкасл" сюрприз қилиши мумкин. Агар улар ўзларининг энг яхши ўйинчиларини сақлаб, бир ёки иккитасини қўшиб олсалар, улар топ жамоа бўлади.
"Ливерпул"га қарши бўлиб ўтган Лига кубоги финалида улар ҳар кимни мағлуб эта олишини кўрдик. Улар ўз уйларида ажойиб қўллаб-қувватлашга эга ва баъзи позицияларда, айниқса ҳужум марказида ва марказий ярим ҳимояда - улар Премьер-лигадаги ҳамма каби яхши", - деди Каррагер Daily Mirror билан суҳбатда.
