Қатар миллий терма жамоаси бош мураббийи Фаҳад Таъни Ўзбекистонга қарши ЖЧ-2014 саралаши якуний туридан ўрин олган учрашув учун Тошкентга 22 нафар футболчи билан ташриф буюради.

Қатар миллий терма жамоаси бош мураббийи 18 июнь куни бўлиб ўтадиган ЖЧ-2014 саралаши 4-босқич 10-тур учрашуви учун жами 22 нафар футболчи билан Тошкентга ташриф буюради. Қатар терма жамоаси ҳужумчиси Себастеян Куинтана, ярим ҳимоячи Ёсир Аҳмад ҳамда ҳужумчи Жаралла Ал Маърийлар жароҳати сабаб, Тошкнетга кела олмаган бўлишса,  асосий дарвозабон Қосим Бурҳон ва терма жамоа сардори Билол Муҳаммад Ражаб дисквалификация сабаб Ўзбекистонга қарши 10-тур учрашувини ўтказиб юборадилар. Қатар терма жамоасининг иккинчи дарвозабони Саад Ал Шииб ҳам жароҳат олган футболчилар рўйхатини тўлдирган.

Эслатиб ўтамиз, Қатар миллий терма жамоаси делегацияси 16 июнь, якшанба куни кечаси Тошкентга етиб келади. Иккала терма жамоа бош мураббийлари иштирокидаги матбуот анжумани эса 17 июнь, душанба куни ўйин ўтказиладиган «Бунёдкор» стадионида бўлиб ўтади.

Ўзбекистон ҳамда Қатар миллий терма жамоалари ўртасидаги ЖЧ-2014 саралаши 10-тур учрашуви 18 июнь, сешанба куни Тошкентдаги «Бунёдкор» стадионида соат 17:00да бошланади.

Қатар миллий терма жамоасининг Ўзбекистонга қарши ўйинда майдонга тушиши мумкин бўлган футболчилари рўйхати:

Дарвозабонлар: Мауҳаннад Наим, Сауд Ал Хатир, Аҳмад Софиан
Ҳимоячилар: Ҳамид Исмоил, Мажид Иброҳим, Абдул Карим Ҳасан, Абдул Қодир Элиас, Ҳусайн Али Шиҳаб, Мажид Муҳаммад.
Ярим ҳимоячилар: Халфан Иброҳим, Муҳаммад Касола, Талал ал-Блуший, Одил Лами, Ҳамад ал-Обайдий, Али Ҳасан Афиф, Муҳаммад ал-Сайид, Мусаб Маҳмуд, Весам Ризиқ, Талал ал-Блуший.
Ҳужумчилар: Ҳасан ал-Ҳайдос, Юсуф Аҳмад, Абдул Мутоллиб Геддо.