Миланнинг "Интер" клуби сафида аргентиналик ҳужумчи Лаутаро Мартинеснинг қайтишига нисбатан оптимизм кучаймоқда. У Каталониянинг "Барселона" клубига қарши ярим финалнинг биринчи ўйинида жароҳат олиб, майдонни тарк этишга мажбур бўлди ва шундан сўнг у катта эҳтимол билан жавоб ўйинида майдонга тушмаслиги ҳақида маълумотлар пайдо бўлди.
Шунга қарамай, ўшанда ҳам "Интер" ўз ҳужумчисини сафга қайтаришга уриниб кўришини тахмин қилинганди ва ҳозир бу борада ижобий белгилар пайдо бўлмоқда. Sky Sports хабарига кўра, футболчи ўзини анча яхши ҳис қилмоқда ва мавсумнинг марказий ўйинида иштирок этиш имкониятини ижобий баҳоламоқда.
