Леверкузеннинг "Байер" клуби бош мураббийи Хаби Алонсо "Бавария"нинг Бундеслигадаги муддатидан аввалги ғалабаси ҳақида фикр билдирди.
"Доришунослар" якшанба куни бўлиб ўтган "Фрайбург"га (2:2) қарши ўйиндаги дурангдан сўнг чемпионлик учун сўнгги умидларини йўқотишди. Мюнхенликлар маррага 2 тур қолганида рақибини 8 очкога ортда қолдириб, пешқадамлик қилмоқда.
"Бавария"ни чемпионлик билан табриклайман. Бу мавсумнинг энг яхши ва энг барқарор жамоаси. Ҳақли унвон," - деди Алонсо DAZN'га берган интервьюсида.
Эслатиб ўтамиз, бир йил аввал айнан "Байер" Бундеслига ғолибига айланганди.
