"Бавария" бош мураббийи Венсан Компани жамоанинг Бундеслигадаги муддатидан аввалги ғалабаси ҳақида фикр билдирди.
Якшанба куни "Байер" "Фрайбург" билан дуранг ўйнади ва мавсум тугашига икки тур қолганида "Бавария" чемпион бўлди.
"Энди бизда ғалабадан завқланиш учун вақт бор. Ақл бовар қилмайдиган туйғу! Барча ўйинчиларни табриклайман - буни жамоа сифатида биргаликда амалга оширдингиз. Шунингдек, ушбу ажойиб клубнинг саҳна ортида ишлайдиган барча ходимларини табриклайман. Бутун дунёдаги "Бавария" мухлисларига қўллаб-қувватлаганлари учун миннатдорчилик билдираман - сиз ажойибсиз. Келинг, шанба куни "Альянц Арена"да ўзгача муҳит яратайлик," - дея бельгиялик мутахассис сўзларини келтиради Bayern & Germany.
