"Челси" ярим ҳимоячиси Коул Палмерга Премьер-лигада клуб тўпурарлари ўнталигига кириш учун икки мавсум етарли бўлди.

22 ёшли футболчи якшанба кунги "Ливерпуль"га қарши ўйиннинг 96-дақиқасида пенальтидан унумли фойдаланиб, якуний натижани қайд этди (3:1). "Челси" матбуот хизмати хабарига кўра, Палмер клубнинг АПЛ тарихидаги энг яхши тўпурарлар 10'лигига кирди. Ҳужумкор ярим ҳимоячи ҳисобида 67 та ўйинда 37 та гол бор. Ундан юқорида Николя Анелька (38), Жон Терри (41), Диего Коста (52), Эйдур Гудьонсен (54), Жанфранко Дзола (59), Жимми Флойд Хассельбайнк (69), Эден Азар (85), Дидье Дрогба (104) ва Фрэнк Лэмпард (147) жой олган.

Коул Палмер "Челси"га 2023 йилда "Манчестер Сити"дан кўчиб ўтганди.