Аргентиналик машҳур мураббий Хорхе Сампаоли "Барселона" вингери Ламин Ямалнинг истиқболлари ҳақида гапирди.
17 ёшли футболчи мавсумни ажойиб ўтказмоқда ва "Олтин тўп" учун асосий даъвогарлардан бири ҳисобланади. 65 ёшли мураббий эртами-кечми испаниялик совринни қўлга киритишига умид қилмоқда.
"Мен шунга умид қиламан. Мен унинг "Олтин тўп"ни қўлга киритишини истардим, чунки уни фақат футбол қизиқтиради - у шикоят қилмайди, шунчаки ўйнашни хоҳлайди. Ямал ниманидир кўрсатиш учун ўйиннинг ҳар бир дақиқасидан фойдаланишга ҳаракат қилади. Мен унда жасоратни кўраман, шунинг учун у жуда томошабоп ўйнайди," - дея Сампаолининг сўзларини келтиради испан ОАВ.
