"Барселона"нинг Ла Лигадаги навбатдаги ўйинларидан бири мухлисларсиз ўтиши мумкин. Гап 15 май санасига белгиланган "Эспаньол"га қарши сафар дербиси ҳақида кетмоқда.
"Эспаньол"нинг "Бетис"га қарши якшанба кунги ўйинида мухлислар майдонга ёндиргичлар улоқтиришган ва ҳакам ўйинни тўхтатган. Стадионда тартибсизликлар давом этса, ўйин бекор қилиниши мумкинлиги ҳақида эълон қилинди. Ўйин муаммосиз давом этди.
Бироқ, 2024 йилда "Эспаньол" аллақачон мухлисларнинг хатти-ҳаракатлари учун жазоланган эди. Ўшанда клуб 3 минг евро миқдорида жаримага тортилган ва қоидабузарлик такрорланса, стадион мухлислар учун ёпилишига ишора қилинган. Натижада "Эспаньол" - "Барселона" учрашуви мухлисларсиз ўтиши мумкин, деб ёзади Goal портали.
