Карло Анчелотти тез орада "Реал Мадрид" бош мураббийи лавозимини тарк этади.
The Athletic нашри хабарига кўра, италиялик мутахассис ва Мадрид клуби ўзаро келишувга эришган. Манбага кўра, Анчелоттининг "Реал"ни тарк этиши навбатдаги "Эл-Класико"дан кейин эълон қилиниши мумкин.
11 май, якшанба куни "Лос Бланкос" Ла Лига доирасида "Барселона"га қарши сафарда майдонга тушади. Энди “Реал Мадрид” клублар ўртасидаги жаҳон чемпионатида жамоани ким бошқаришини ҳал қилиши керак.
Асосий номзод Хаби Алонсо, лекин клубда Сантьяго Солари, Раул Гонсалес ёки Альваро Арбелоа каби ички вариантлар мавжуд. Карло Анчелотти ёзда Бразилия терма жамоасини бошқариши мумкин.













