Лерой Сане "Бавария" билан шартномасини узайтириш ҳақидаги фикрини ўзгартирган кўринади.
Sport1 хабарига кўра, қанот ҳужумчиси "Бавария" раҳбариятини ҳайратда қолдириб, агентини ўзгартиришга ва ишларни бошқаришни Пини Захавига топширишга қарор қилган. Таъкидланишича, бир неча соат олдин спорт директори Макс Эберль шартномани узайтириш учун етишмаётган нарса фақат имзо эканлигига ишонч ҳосил қилган.
Шунга қарамай, мюнхенликлар ўз таклифларини яхшилаш ниятида эмас. Клуб нуқтаи назаридан улар Санени сақлаб қолиш учун ҳамма нарсани қилишган.
Саненинг шартномаси шу ёзда тугайди ва энди унинг кетиши ҳам истисно қилинмаяпти. Малумотларга кўра, вингернинг ўзи Англияга қайтишга тайёр.
Bild нашрининг ёзишича, яқинда агент ўзгаришига Леройнинг шериги Кэндис Брук ҳам таъсир кўрсатган. У Лондоннинг ашаддий мухлиси ва у ерда Лерой ва уларнинг фарзандлари билан яшашни орзу қилади.
Футболчига "Арсенал" ва "Челси" клублари қизиқиш билдирмоқда. Пини Захави Лондон клублари билан ажойиб алоқага эга.
