Лондоннинг "Арсенал" клуби ярим ҳимоячиси Жоржиньо фаолиятини "Фламенго"да давом эттиради. 33 ёшли италиялик футболчи эркин агент сифатида Бразилия клубига ўтади, дея хабар беради инсайдер Фабрицио Романо.
Томонлар уч йиллик шартномага келишиб олдилар. Трансфер июль ойи бошида, футболчининг "канонирлар" билан амалдаги шартномаси якунига етганда амалга оширилади.
Жоржиньо 2023 йилнинг январида "Арсенал"га кўчиб ўтди. У аввал "Челси"да тўрт ярим йил ўйнаган. "Фламенго" Бразилия А Сериясида 7 турдан кейин иккинчи ўринда бормоқда. Жамоа охирги мусобақада учинчи ўринни эгаллади.













