Миланнинг "Интер" клуби бош мураббийи Симоне Индзаги Филиппо Индзаги бошқарувидаги "Пиза"нинг А Серияга қайтиши ҳақида фикр билдирди.
Машҳур собиқ ҳужумчи бошчилигидаги жамоа муддатидан олдин юқори дивизионга кўтарилишни кафолатлади.
"Отамизнинг икки карра қувончи бўлишини истайман. Мен Пиппо билан жамоаси А Серияга кўтарилгани ҳақидаги хабардан беш дақиқа ўтиб гаплашдим, уни мақтамоқчи бўлдим. У ва унинг жамоаси ажойиб ишни уддалашди - улар "Пиза"ни 34 йилдан кейин А Серияга қайтаришди," - дея Симоне Индзагининг сўзларини келтиради Италия ОАВ.
