"Барселона"нинг ўнг қанот ҳимоячиси Жюль Кунде Чемпионлар лигаси ярим финалидан ўрин олган "Интер"га қарши жавоб ўйинини ўтказиб юборади.
Франциялик футболчи жамоаларнинг биринчи ўйинида жароҳат олиб, 42-дақиқада захирага олинди. "Кўк-анорранглилар" яқин бир неча ҳафта ичида асосий футболчисиз қолишига тўғри келади.
"Кунде - ажойиб футболчи. Эшитишимча, у кетма-кет 102 ёки 104та ўйинда майдонга тушган ва бу унинг жароҳати билан боғлиқ бўлиши мумкин. Аммо "Барса"да бу позицияда ўйнай оладиган бошқа яхши футболчилар ҳам бор," - дея Индзагининг сўзларини келтиради "Интер" матбуот хизмати.
