"Милан" бош мураббийи Сержиу Консейсау Рафаэль Леаунинг ўйини ҳақидаги саволга жавоб берди.

Душанба куни вингер "Женоа"га қарши ўйинда "россонерилар"нинг асосий таркибига кира олмади, аммо 28-дақиқадаёқ жароҳат олган Юсуф Фофананинг ўрнига майдонга тушди. Иккинчи бўлимда португалиялик гол уриб, жамоасининг иродали ғалабасига ҳисса қўшди - 2:1.

"Мен Леауни "Милан"га келишидан олдин билардим, энди эса уни жуда яхши билиб олдим. Шунингдек, у мени ва талабларимни ҳам билади ва ҳозирда мавсум якунларини муваффақиятли ўтказишга эътибор қаратмоқда. Унинг кайфияти жуда яхши эканлигини кўриб турибман. Рафаэль ажойиб фазилатларга эга. Афсуски, у жума куни ўйнай олмайди, аммо бошқа биров ўз имкониятини қўлга киритади," - деди Консейсау матбуот анжуманида.