Италия Б серияси чемпионатининг якунланишига яна икки тур қолди. "Сассуоло" аллақачон юқори лигага чиқиш ҳуқуқини ҳал қилган.

Ўтган дам олиш кунлари жамоа "Кремонезе" билан учрашди ва ўйин 1:1 ҳисобида якунланди. Бу "Сассуоло" учун мавсумда 78-гол бўлди ва клуб шу билан "Милан"нинг 40 йилдан ортиқ сақланиб келган тарихий натижасини янгилади. 1982/1983 йилги мавсумда "Милан" Б Серияда ўйнаган ва ўша мавсумда 77 та гол урган эди. Ниҳоят, 40 йилдан зиёд вақт ўтгач, бу рекорд янгиланди.

Шунингдек, кеча Италия футболининг олий лигасига тўғридан-тўғри қайтадиган иккинчи клуб ҳам маълум бўлди - бу "Пиза" жамоасидир.