Чоршанба куни кечқурун “ПСЖ” ўз майдонида Чемпионлар Лигаси ярим финали доирасида “Арсенал”ни қабул қилади. Парижликлар бош мураббийи Луис Энрике матбуот анжуманида мухлисларни қувонтирувчи хабарни маълум қилди — ҳужумчи Усман Дембеле жароҳатдан тўлиқ тикланди ва ўйинга тайёр.
“Дембеле сўнгги икки кунда жамоа билан бирга машғулот ўтказди. Эртага у ўйинга тайёр бўлади”, — деди Энрике журналистларга.
Эслатиб ўтамиз, икки жамоа ўртасидаги биринчи баҳс Лондонда бўлиб ўтган ва унда “ПСЖ” 1:0 ҳисобида ғалаба қозонган эди. Ягона гол муаллифи айнан Дембеле бўлган.
