Милан шаҳрида Чемпионлар Лигаси ярим финал жавоб учрашувида “Интер” ва “Барселона” жамоалари ўзаро тўқнаш келмоқда. Учрашувнинг биринчи тайми 2:0 ҳисобида мезбонлар фойдасига якунланди.
Каталонияликлар тайм мобайнида 6 марта зарба беришди, аммо улардан фақат биттаси дарвозага аниқ етиб борди. “Интер” эса 8 та зарба амалга оширди ва улардан 3 таси аниқ чиқди.
Шу билан бирга, “Барселона” тўпни кўпроқ назорат қилди — умумий вақтнинг 60 фоизида. Паслар аниқлигида ҳам меҳмонлар устунлик қилди: 82%га қарши “Интер”да 69%.
