“Интер” “Барселона”га қарши тўртта ўйиндан бери мағлубиятсиз серияни давом эттирмоқда. Бугун Симоне Индзаги шогирдлари Чемпионлар Лигаси ярим финали жавоб учрашувида 4:3 ҳисобида зафар қучди. Илк ўйин 3:3 ҳисобида якунланган эди.
Каталонияликлар сўнгги бор “нерадзуррилар”ни 2019 йили 2:1 ҳисобида мағлуб этган. 2022 йилда жамоалар гуруҳ босқичида икки марта тўқнаш келган — “Интер” 1:0 ҳисобида ғалаба қозонган, иккинчи ўйин эса 3:3 ҳисобида дуранг билан якунланган.
Чемпионлар Лигаси финалида “Интер” 31 май куни “ПСЖ” ёки “Арсенал”га қарши майдонга тушади.
