“Барселона” бош мураббийи Ханси-Дитер Флик жамоанинг Чемпионлар Лигасидан чиқиб кетганидан сўнг ўз фикрлари билан ўртоқлашди. Каталонияликлар ярим финалда “Интер”га икки ўйин натижасига кўра 6:7 ҳисобида мағлуб бўлди. Жавоб учрашуви 120 дақиқа давом этди.

“Биз бу натижани қабул қилишимиз керак. “Интер” ҳужумчилари кучли ва тажрибали. Бизда эса ёш жамоа бор ва биз ривожланишда давом этамиз. Асосий вазифамиз — бу жамоани янада кучайтириш.

Ҳимояда ҳам, ҳужумда ҳам яхшиланиш имкониятларимиз бор. Бугунги ўйиндаги муҳитни ҳис қилар экансан, бу ерга яна қайтишни истайсан”, — деди Флик матбуот анжуманида.