Испаниялик собиқ элита ҳаками Матеу Лаос “Интер” ва “Барселона” ўртасидаги Чемпионлар Лигаси ярим финали жавоб учрашувида ҳакам Шимон Марчиньяк хатога йўл қўйганини таъкидлади. Гап Ламин Ямалга нисбатан қайд этилган фол ҳақида кетмоқда.
Ушбу вазиятда Марчиньяк аввалига пенальти тайинлаганди, аммо VAR маслаҳати орқали қарорини ўзгартирди ва зарба жойини жарима майдони ташқарисида деб баҳолади.
“Бу соф пенальти эди. "Интер" футболчиси Ямалга икки марта тегди: аввалига жарима майдони ташқарисида, сўнг эса унинг ичида, ва шу сабабдан у йиқилди”, — деб Лаоснинг сўзларини келтиради испан ОАВ.
