Ispaniyalik sobiq elita hakami Mateu Laos “Inter” va “Barselona” o‘rtasidagi Chempionlar Ligasi yarim finali javob uchrashuvida hakam Shimon Marchinyak xatoga yo‘l qo‘yganini ta’kidladi. Gap Lamin Yamalga nisbatan qayd etilgan fol haqida ketmoqda.
Ushbu vaziyatda Marchinyak avvaliga penalti tayinlagandi, ammo VAR maslahati orqali qarorini o‘zgartirdi va zarba joyini jarima maydoni tashqarisida deb baholadi.
“Bu sof penalti edi. "Inter" futbolchisi Yamalga ikki marta tegdi: avvaliga jarima maydoni tashqarisida, so‘ng esa uning ichida, va shu sababdan u yiqildi”, — deb Laosning so‘zlarini keltiradi ispan OAV.
