"Барселона" ярим ҳимоячиси Педри "Интер"га қарши Чемпионлар лигаси ярим финал жавоб ўйинидаги ҳакамликдан норозилигини билдирди.
"Нерадзуррилар" қўшимча бўлимлардан сўнг 4:3 ҳисобида ғалаба қозонишди ва финалга йўл олишди. Ўйин якунланганидан сўнг “кўк-анорранглилар” устози Ханс-Дитер Флик ҳакам Шимон Марчинякнинг ишидан мамнун эмаслигини айтди. Педри мураббийнинг сўзларини қўллаб-қувватлади.
"Мен Фликнинг фикрига қўшиламан, ҳакам барча ноаниқ эпизодларни "Интер" фойдасига талқин қилди. УEФА бу ҳакам билан шуғулланиши керак. Баъзи нарсаларни шунчаки тушуниб бўлмайди", - дейди испаниялик ярим ҳимоячи.
Икки ўйиндан иборат баҳсда “Интер” 7:6 ҳисобида ғалаба қозонди.
