Мадриднинг “Реал” жамоаси бош мураббий Карло Анчелотти билан яқин вақт ичида хайрлашиши мумкинлиги ҳақидаги миш-мишлар тарқалди. Гап шундаки, айрим манбаларга кўра, клуб 11 май куни “Барселона”га қарши “эл-класико”дан сўнг италиялик мураббийнинг кетиши ҳақида расмий баёнот бериши мумкин.
Бироқ El Larguero нашри маълум қилишича, бу маълумот ҳақиқатга тўғри келмайди. Манбага кўра, “Реал” раҳбарияти Анчелоттининг тақдири бўйича ҳеч қандай расмий баёнот беришни режалаштирмаяпти — ҳатто “эл-класико” натижасидан қатъи назар.
Маълумки, Карло Анчелоттининг эҳтимолий вориси сифатида ҳозирда Леверкузеннинг “Байер” жамоасини бошқариб келаётган Хаби Алонсо кўрилаяпти.
