Madridning “Real” jamoasi bosh murabbiy Karlo Anchelotti bilan yaqin vaqt ichida xayrlashishi mumkinligi haqidagi mish-mishlar tarqaldi. Gap shundaki, ayrim manbalarga ko‘ra, klub 11 may kuni “Barselona”ga qarshi “el-klasiko”dan so‘ng italiyalik murabbiyning ketishi haqida rasmiy bayonot berishi mumkin.

Biroq El Larguero nashri ma’lum qilishicha, bu ma’lumot haqiqatga to‘g‘ri kelmaydi. Manbaga ko‘ra, “Real” rahbariyati Anchelottining taqdiri bo‘yicha hech qanday rasmiy bayonot berishni rejalashtirmayapti — hatto “el-klasiko” natijasidan qat’i nazar.

Ma’lumki, Karlo Anchelottining ehtimoliy vorisi sifatida hozirda Leverkuzenning “Bayer” jamoasini boshqarib kelayotgan Xabi Alonso ko‘rilayapti.