"Барселона" вингери Ламин Ямал ёрқин ўйин кўрсатди, аммо Чемпионлар Лигаси ярим финалида Миланнинг "Интер" клубини мағлуб этишда жамоасига ёрдам бера олмади.
"Сан-Сиро"даги баҳснинг асосий вақти 3:3 ҳисобида якунланди. Қўшимча бўлимларда томошабинлар яна бир голни кўришди - унинг муаллифи 99-дақиқада Давид Фраттези бўлди.
Машҳур статистика порталидан энг юқори баҳони Ямал олган - 9,5 балл. 17 ёшли футболчи сермаҳсул ҳаракатлар билан ажралиб турмади, аммо ҳужумда жуда фаол бўлди: у дарвозага энг кўп зарба берди (тўққиз марта), ақл бовар қилмайдиган 14 та дриблинг амалга оширди (ҳозирги мавсум рекорди) ва еттита фол ишлади (энг кўп).
Иккинчи ўринни Дензел Дюмфрис эгаллади, у иккита голли узатмани амалга оширди - 8,2.
