Мадриднинг "Реал" клуби "Борнмут" марказий ҳимоячиси Дин Хёйсен трансфери устида фаол иш бошлади.
"Қаймоқранглилар"нинг испаниялик футболчига қизиқиш билдираётгани ҳақида аввал ҳам бир неча бор хабар берилганди. Cadena SER хабарига кўра, энди "Реал" янада қатъийроқ: клуб яқин вақт ичида 20 ёшли футболчи июнь ойида бўлиб ўтадиган клублар ўртасидаги жаҳон чемпионати ўйинларида иштирок этиши учун келишувни амалга оширмоқчи. Сўнгги кунларда бу борада фаол иш олиб борилмоқда.
Дин Хейсенни Англия Премьер-лигаси грандлари ҳам қизиқтирмоқда. Испания терма жамоасининг яқинда дебют қилган футболчисининг шартномасида 60 млн еврога яқин товон пули кўрсатилган.













