"Милан"га келажаги мавҳум бўлиб қолаётган "Ливерпуль" ҳужумчиси Луис Диас керак.

Колумбиялик вингер ҳозирча янги шартнома бўйича бир фикрга келгани йўқ. Футболчига қизиқиш узоқ вақт давомида "Барселона"га тегишли бўлган, аммо аниқ ҳеч нарса чиқмаган. Calciomercato хабарига кўра, яқинда "Милан" вакиллари "қизиллар" форварди атрофидагилар билан алоқага чиққан. Футболчи фаолиятини давом эттиришнинг бундай вариантидан қанчалик манфаатдор эканлиги ҳозирча номаълум.

Transfermarkt портали баҳосига кўра, Луис Диаснинг нархи 85 млн еврога тенг. 28 ёшли футболчининг "Ливерпуль" билан шартномаси 2027 йилнинг ярмигача мўлжалланган.