Англия футболи афсонаси Гари Линекер “ПСЖ” жамоасининг Чемпионлар Лигаси финалига чиқиши ҳақида фикр билдирди. Парижликлар ярим финалда “Арсенал”ни 3:1 умумий ҳисобда мағлуб этган эди.
“Менга "ПСЖ" ёқади. Менимча, уларнинг вақти келди. Бу айнан шундай бўлиши керак эди: Мбаппе кетди — ва айнан шу пайтда улар ғалаба қозонишмоқда!
У "Реал"га ўтди — бу клуб ҳар доим ютади. Аммо бу сафар эмас. Менда шундай ҳис борки, "ПСЖ"нинг Чемпионлар Лигасидаги илк ғалабаси айнан шу мавсумда рўй бериши керак”, — деди Линекер The Rest is Football подкастида.
Маълумот учун, финал 31 май, шанба куни бўлиб ўтади. Унда “ПСЖ” “Интер”га қарши майдонга тушади.
