Ҳозирда Аргентинанинг “Бока Хуниорс” клубида тўп тепаётган Андер Эррера Европа Лигасидаги собиқ жамоалари — “Атлетик” Бильбао ва “Манчестер Юнайтед” ўртасидаги жавоб ўйини ҳақида фикр билдирди.
Биринчи ўйинда “Юнайтед” 3:0 ҳисобида йирик ғалаба қозонган. Аммо Эррера, ҳар икки клубда тўп тепган собиқ ярим ҳимоячи сифатида, “Атлетик”да вазиятни тўлиқ ўзгартириш салоҳияти борлигини таъкидлади.
“Энг аввало, уларда йўқотадиган ҳеч нарса йўқ. Улар чемпионатда ҳам, Европа мусобақаларида ҳам ажойиб мавсум ўтказишди. Менимча, ҳозир уларга ҳеч ким ишонмаяпти. Ана шундай пайтда эса жамоа жуда хавфли бўлиши мумкин”, — деди Эррера AS нашрига берган интервьюсида.
