Hozirda Argentinaning “Boka Xuniors” klubida to‘p tepayotgan Ander Errera Yevropa Ligasidagi sobiq jamoalari — “Atletik” Bilbao va “Manchester Yunayted” o‘rtasidagi javob o‘yini haqida fikr bildirdi.
Birinchi o‘yinda “Yunayted” 3:0 hisobida yirik g‘alaba qozongan. Ammo Errera, har ikki klubda to‘p tepgan sobiq yarim himoyachi sifatida, “Atletik”da vaziyatni to‘liq o‘zgartirish salohiyati borligini ta’kidladi.
“Eng avvalo, ularda yo‘qotadigan hech narsa yo‘q. Ular chempionatda ham, Yevropa musobaqalarida ham ajoyib mavsum o‘tkazishdi. Menimcha, hozir ularga hech kim ishonmayapti. Ana shunday paytda esa jamoa juda xavfli bo‘lishi mumkin”, — dedi Errera AS nashriga bergan intervyusida.
