Испаниянинг “Барселона” клуби Европанинг беш етакчи миллий чемпионати орасида 21 ёшдан кичик футболчиларга энг кўп ўйин вақти берган жамоалар учлигига кирди. Бу ҳақда CIES Football Observatory тадқиқоти маълум қилди.

Нашр маълумотларига кўра, каталонияликлар жамоаси умумий ўйин вақтининг 38%ини ёш футболчиларга ишонган ҳолда ўтказган. Бу кўрсаткич асосан Ламин Ямал, Пау Кубарси каби ёшлар ҳисобига тўғри келади. Ушбу рўйхатда “Барса”дан юқорида фақатгина Франциянинг “Страсбург” клуби жой олган — уларда бу кўрсаткич 59%ни ташкил этади.

Топ-10ликка шунингдек қуйидаги клублар кирди: “Реймс”, “РБ Лейпциг”, Франкфуртнинг “Айнтрахт”и, “ПСЖ”, “Сельта”, “Брайтон”, “Монако” ва “Манчестер Юнайтед”.

Умумеевропа рейтингда (унда 65 та лига қамраб олинган) эса биринчи ўрин Бельгиянинг иккинчи дивизионида иштирок этувчи “Ломмель” жамоасига насиб этди — ёш футболчиларнинг ўйин вақти бу жамоада 69%ни ташкил этган.