Европа Лигаси ярим финали жавоб учрашувида “Тоттенхэм” Норвегияда “Буде-Глимт”ни 2:0 ҳисобида мағлуб этди ва икки ўйин натижасига кўра 5:1 ҳисобида финалга йўл олди.
Бу натижа “шпоралар” учун тарихдаги еврокубок ярим финаллардаги энг йирик умумий ғалаба сифатида қайд этилди. Илгарироқ “Тоттенхэм” бир неча бор ярим финалларга чиққан, аммо ҳеч қачон бундай йирик устунлик билан рақибни мағлуб этмаган эди.
Эслатиб ўтамиз, клуб ўз тарихида икки марта УЕФА Кубогини ва бир марта Кубок эгалари Кубогини қўлга киритган.













