Германия терма жамоасининг собиқ футболчиси Дитмар Хаманн "Бавария"нинг ҳужумкор ярим ҳимоячиси Лерой Сане келажаги ҳақида фикр билдирди.
"Афтидан, Сане янги шартнома имзолайди, аммо унинг агентлари кўпроқ пул талаб қила бошлашди. Клуб ўз ўрнида туриши керак. "Бавария" вазият устидан назоратни тиклаши керак. Энди таклифни қайтариб олиш вақти келди", - дейди Хаманн.
Сане ва "Бавария" ўртасидаги амалдаги шартнома 2025 йилнинг июн ойи охиригача мўлжалланган. Бундеслиганинг жорий мавсумида Лерой 28 та ўйин ўтказиб, 11 та гол урди ва 4 та голга ассистентлик қилди.
