Озарбайжон футболи фахрийлари Ўзбекистонга ташриф буюрди.
Ташриф давомида меҳмонлар Ўзбекистон футбол ассоциацияси вакиллари ҳамроҳлигида Тошкент шаҳридаги Ҳайдар Алиев ҳайкали пойига гул қўйиб, таниқли давлат арбобининг хотирасига ҳурмат бажо келтиришди.
Шундан сўнг делегация "Пахтакор" стадионида ўрнатилган ёдгорлик ва Боткин қабристонида 1979-йилги фожиали авиаҳалокат қурбони бўлган жамоа аъзоларини хотирлашди.
Шунингдек, "Бунёдкор" академияси майдонида икки мамлакат фахрий футболчилари ўртасида дўстлик учрашуви ҳам ташкил этилиб, унда 5:5 ҳисоби қайд этилди.
Ушбу ташриф Ўзбекистон ва Озарбайжон ўртасидаги спорт алоқаларини мустаҳкамлаш, шунингдек, футбол орқали дўстлик ва яқин ҳамкорликни мустаҳкамлашга хизмат қилади.
