"Жирона" бош мураббийи Мишель Санчес тиббий сабабларга кўра касалхонага ётқизилди, деб хабар берди клуб матбуот хизмати.
Мутахассис соғлиғидаги муаммолар туфайли 10 май куни бўлиб ўтадиган "Вильярреал"га қарши Испания чемпионати 35-тур учрашувини ўтказиб юборади.
"Шифокорларнинг тавсияларини тинглаб, уларнинг касбий маҳоратидан миннатдорман, тузалишим учун бир неча кунлик танаффус қилишга мажбур бўлдим", - деб ёзди 49 ёшли мураббий ижтимоий тармоқлардаги ўз хабарида.
Санчес жамоаси у йўқлигида ҳам курашни давом эттиришига ва мухлисларни хурсанд қилишига ишонч билдирди. "Жирона" айни дамда 38 очко билан Ла Лига турнир жадвалида 15-ўринда бормоқда.
