Яқинда ҳимоячи Трент Александр-Арнольд мавсум якунлангач, "Ливерпуль"ни тарк этишга қарор қилганини эълон қилди. 26 ёшли футболчи тез орада "Реал" билан шартнома имзолаши аниқ.
Маълум бўлишича, "Манчестер Сити" "Реал"нинг шов-шувли трансферини барбод қилишга уринган. "Шаҳарликлар" Трентга "Реал" таклиф қилаётганидан кўра кўпроқ пул таклиф қилишди. Бироқ, ўнг қанот ҳимоячиси "Реал"да ўйнашга қатъий қарор қилган ва Манчестердаги қизиқиш уни позициясини ўзгартиришга мажбур қилмади.
Аввалроқ Трент Александр-Арнольд декабрь ойида "Реал"га сўз бергани хабар қилинганди.
