УЕФА Европа Лигаси ғолибларини Чемпионлар Лигаси йўлланмасидан маҳрум қилишни режалаштирмаяпти.
Аввалроқ, АПЛ финалчилари "Тоттенхэм" ва "Манчестер Юнайтед"нинг муваффақиятсиз мавсумлари фонида Арсен Венгер шундай таклиф билан чиққанди. "Арсенал"нинг собиқ мураббийи ҳозирда ФИФАнинг футболни ривожлантириш бўйича раҳбари лавозимини эгаллаб турибди.
Шунга қарамай, УEФА ҳозирги форматдан мамнун ва қоидаларни ўзгартириш ниятида эмас. Ташкилотдагилар Венгернинг сўзларидан унчалик ҳам мамнун эмас, деб ёзади The Times.
УEФАдаги манбаларнинг таъкидлашича, Европа Лигасидаги ғалаба учун бериладиган мукофот муҳим аҳамиятга эга. Таъкидланишича, янги формат доирасида Чемпионлар лигасида иштирок этувчи клублар Европа лигасига тушиб кетмайди.
Шу тариқа, "Манчестер Юнайтед" ёки "Тоттенхэм" АПЛ турнир жадвалида мос равишда 15 ва 16-ўринларда бораётган бўлса-да, Чемпионлар Лигасида иштирок этади.
