Чемпионлар лигасига Премьер-лигада биринчи ўриндан бешинчи ўрингача бўлган жамоалар йўл олади. "Ньюкасл" ҳозирда тўртинчи ўринда бормоқда, аммо олтинчи ўриндаги "Ноттингем Форест"дан атиги икки очко, еттинчи ўриндаги "Астон Вилла"дан эса уч очко олдинда. Чемпионлар Лигаси йўлланмаси учун кураш ҳақида "қарғалар" бош мураббийи Эдди Хау изоҳ берди.
"Ҳозирдан бошлаб мавсум охиригача ҳар бир ўйинимиз мавсумнинг энг муҳим ўйини ҳисобланади. Премьер-лигада қаерда бор кучимизни сарфлаш қанчалик муҳимлигини биламиз. Чемпионатни имкон қадар юқори даражада якунлаш учун қўлимиздан келганини қиламиз. Охирги ўйинда барчаси ҳал бўлиши эҳтимоли бор, аммо ҳозир фақат энг яқин рақиб ҳақида ўйлаяпмиз," - деди Ҳау матбуот анжуманида.
Якшанба куни "Ньюкасл" Премьер-лига доирасидаги "Челси"га қарши уй учрашувини ўтказади.
