Барчаси Карло Анчелоттининг "Реал"ни тарк этишига ишора қилмоқда. Бир неча манбаларнинг хабар беришича, мадридликлар италиялик мутахассис билан хайрлашишини "Барселона"га қарши ўйиндан сўнг эълон қилиши керак. Бу ҳақда нуфузли инсайдер Фабритсио Романо ҳам маълум қилди.
"Анчелотти ва "Реал" ажрашади, расмий қадамлар "эл класико"дан кейин бошланади. Ҳаммаси тугади. Шартноманинг қолган мавсуми учун маош масаласида ҳеч қандай муаммо йўқ, чунки Анчелотти ҳеч қачон бу борада муаммо туғдирмаган. Италиялик мураббий билан катта хайрлашув амалга оширилади", - деб ёзди Романо ижтимоий тармоқдаги саҳифасида.
Шунингдек, Романонинг қайд этишича, Бразилия футбол конфедерацияси Карло Анчелотти билан шартнома имзоланишини кутмоқда. Италиялик футболчи Бразилия терма жамоасини бошқариши керак.
