Сеск Фабрегас "Байер" директорлар кенгашининг "доричилар" бошқарувчиси лавозимини эгаллаши учун асосий номзоди ҳисобланади.

Шу жума куни "Байер" ва Хаби Алонсо мутахассис жорий мавсум охирида немис клубини тарк этишини тасдиқлашди.

Демак, Бундеслиганинг амалдаги чемпионлари янги мураббий излашига тўғри келади. Sky Germany хабарига кўра, бу лавозимга асосий даъвогар ҳозирда "Комо"ни бошқараётган Сеск Фабрегасдир.

Фабрегас учун бу мураббийлик фаолиятидаги катта қадам бўларди, чунки у Чемпионлар Лигаси сўнгги мавсумларда энг яхшилар билан рақобатлашадиган жамоани бошқаради.