"Барселона" жамоаси бош мураббийи Ханс-Дитер Флик Чемпионлар Лигасидан драматик тарзда чиқиб кетганидан кейин жамоанинг руҳий ҳолати ва Примерадаги "Реал"га қарши марказий ўйин олдидан кайфияти ҳақида фикр билдирди.
"Албатта, Миландаги ўйиндан кейин бизга осон бўлмади. Лекин ҳозир ҳаммаси жойида. Мавсумни юқори нотада якунлаш қанчалик муҳимлигини биламиз. Олдинда тўртта учрашув, жумладан, "эл-класико" бор. Ва уларнинг ҳар бирида "Барселона" нимага қодирлигини кўрсатишимиз керак," - деди германиялик мутахассис матбуот анжуманида.













