"Ювентус" А Серия 36-турида "Лацио" меҳмони бўлди ва 1:1 ҳисобида дуранг қайд этди.
Дастлабки гол 51-дақиқада меҳмонлар форварди Рандал Коло-Муани томонидан киритилди. Тўққиз дақиқадан сўнг туринликлар ўн киши бўлиб қолишди - Пьер Калулу қизил карточка олди. 90+6-дақиқада мезбонлар хавбеки Матиас Весино ҳисобни тенглаштирди.
"Ювентус" очколарини 64 тага етказиб, А Серия турнир жадвалида 4-ўринга кўтарилиб олди. "Лацио" эса 64 очко билан 5-ўринда бормоқда. "Рома" (63) 6-ўринда бормоқда, аммо римликларда битта захира ўйини бор.













